quarta-feira, 13 de fevereiro de 2019

Futuras formacións online ffotoeduca



AXÚDASME?
Estou a montar a web ffotoeduca onde unha parte vai ser para formación online. Agradecíavos muito que cubrírades esta enquisa para axudarme a deseñar a plataforma máís cómoda e útil posibel e crear os conteúdos de formacións que sexan do voso interés.
Toda a información que dedes é super importante para min.
Un saúdo forte e grazas 
Pode participar calquera persoa participara ou non en ffotoeduca.


quinta-feira, 31 de janeiro de 2019

Artivismo en Padrón


O voluntariado de Padrón son un grupo moi, moi curioso, falador e unhas rapazas estupendas, moi cañeiras. Lemos imaxes do pasado da zona e doutras partes da Galiza feitas pola fotógrafa Ruth Matilda Anderson nos anos 20. É ben bonito recoñecer a algunhas das mulleres das imaxes e en todas dun ou outro xeito. Unha beleza compartida con Paula de Feitoria Verde.











2ª edición do Ffotocreativa na EEF da Coruña


A 2ª edición do Ffotocreativa na EEF do Concello da Coruña resultou en 8 semanas cun grupo estupendo, moi comprometido e sobretodo moi divertido.
Terminamos visitando a exposición de Graciela Iturbide, unha grande fotógrafa mexicana. Un agasallo de obradoiro e de mullerazas, sen dúbida. <3




















Fotografía Social - Farmamundi e alunado de Educación Social da USC

Traballar con Farmamundi na USC foi unha gran aprendizaxe. Aprendín moito sobre a saúde e o traballo que fan internacionalmente e na Galiza. O acceso aos medicamentos, a agua potable, alimentos e recursos é un dereito que todas temos de ter garantido en todas as partes do mundo.

O alunado de Educación Social sensibilizouse rapidamente con isto e compartiron as súas experiencias e perspectivas, foi moi emocionante.

Aqui algunhas imaxes da pequena aportación de Ffotoeduca a un proxecto de todo un ano.












Podes ver máis información AQUI


domingo, 7 de outubro de 2018

Inicio do curso e do Outono...

Coa chegada dos días máis curtos e dese ventiño fresco que alterna con raios de sol que se resisten a desaparecer, chega tamén a actividade ao Ffotoeduca.


Este sábado tivemos a primeira e segunda sesión do 1ª Curso de Formación para Formadoras Ffotoeduca.
Está a ser todo un descubrimento e un pracer compartir con alunas moi motivadas e con moita bagaxe detrás de experiencias e coñecementos propios este mundiño da educación feminista a través da fotografía.

O próximo Sábado terminaremos poñendo en contexto a historia da fotografía e especialmente a historia das mulleres fotógrafas e traballaremos nos proxectos educativos que as alunas queren poñer en marcha.




E esta semana repetimos na USC co obradoiro enfocado a alunado universitario "Fotografia Social". Dúas sesións nas que conectaremos o Dereito a Saúde co uso da fotografía para coñecer e tomar conciencia da súa importancia nas nosas vidas e nas vidas das outras.

A Facultade de Ciencias da Educación da Universidade de Santiago de Compostela, acollerá nos próximos días 8 e 22 de outubro un obradoiro sobre fotografía social.
A actividade abordará o dereito á saúde, a equidade de xénero e a interculturalidade utilizando a fotografía como ferramenta de transformación social.

Con este fin, divídese en dúas sesións:

– Sesión 1: 8 de outubro de 2018, de 17:30 a 19:30 h. Adicada a ler imaxes, inclúe unha reflexión sobre o dereito á saúde dende enfoques de xénero e de interculturalidade, así como aspectos técnicos sobre fotoxornalismo que poderemos poñer en práctica.
– Sesión 2: 22 de outubro de 2018, de 17:30 a 19:30 h. Orientada a contar realidades a través da fotografía, na que compartiremos as fotografías realizadas e as súas historias a fin de crear conxuntamente unha exposición fotográfica que será publicada e exposta en diversos espazos, como resultado dun proceso de Aprendizaxe e Servizo.

Este obradoiro, dinamizado por Ffotoeduca Galiza e Farmamundi, driíxese á comunidade universitaria da Universidade de Santiago de Compostela, aínda que está abierto a persoas interesadas. É gratuíto e ten carácter práctico, coa utilización dos própios teléfonos móviles para a realización de fotografías.

Para inscribirte, escribe a galicia2@farmamundi.org





Iniciando o segunda edición da Escola de Empoderamento Feminista do Concello da Coruña. Desta vez amplíase a 8 sesións de 3 horas cada unha onde desfrutaremos do proceso creativo que levamos dentro e aprenderemos o manexo básico da nosa cámara. Esta é unha demanda das alunas do curso pasado, máis sesións e incluir a parte máis técnica da fotografía para xuntas ultrapasar esa fenda tecnolóxica a través do feminismo.
Lá imos!

FfOTOCREATIVA En Ffotocreativa intégranse tres elementos básicos: feminismo, fotografía e educación: Feminismo como proposta de pensamento e acción para tomarmos de consciencia cara á creación de alternativas persoais e colectivas; fotografía como ferramenta con capacidade de crear novas realidades e visións da historia das mulleres; e Educación como un proceso creativo de intercambio de pensamentos, sentires e experiencias. Formadora Mariola Mourelo Pérez. Licenciada en Fotografía Documental pola Universidade de Gales. Posgrao en Educación Secundaria de Arte e Fotografía polo Instituto de Educación de Londres. A quen vai dirixido? Mulleres maiores de 13 anos. Cando? 24 h en total. Martes 16, 23, 30 outubro | 6, 13, 20, 27 novembro | 4 decembro. Horario? De 18.00 a 21.00 h. Onde? C.C. Eirís

A Escola de Empoderamento Feminista é un recurso municipal de formación para a cidadanía que busca abrir procesos democráticos alentando a unha maior participación activa das mulleres; á creación de redes; á mellora da incidencia política para a igualdade e á inclusión das diversidades nos diferentes ámbitos da vida municipal. Nesta segunda edición consolidamos a súa programación de actividades, tratando de conectar á cidadanía da Coruña con propostas de formación diversas e recoñecidas, co feminismo como eixo de transformación social, tanto dende o nivel individual como dende o colectivo. Inscrición Período de inscrición: Na web, dende ás 14.00 h do día 4 de outubro ata ás 21.00 h. do 10 de outubro. Presencial, no Centro Cívico da Cidade Vella, os días 6, 8, 9 e 10 de outubro de 10.00 h a 12.00 h. e de 18.00 h a 20.30 h. O formulario de inscrición estará dispoñible durante ese período en Formulario de Inscripción

Vémonos!

sexta-feira, 29 de junho de 2018

1º CURSO FORMACIÓN FFOTOEDUCA - NOVAS DATAS!!



Por fin novas datas. Reserva o teu lugar!

Despois de dez anos construíndo xunto con todas as persoas que participaron nos obradoiros de Ffotoeduca "Que pode facer unha muller cunha cámara? agora chega o momento de formar a outras ffotoeducadoras para espallar esta metodoloxía de educación emancipatoria.

Este curso vai dirixido a todas aquelas persoas que estexan interesadas en ampliar a súa caixa de ferramentas educativas ou simplemente precisen recursos para facilitar o traballo grupal.

A fotoeducación é unha ferramenta que permite crear espazos de diálogo, exploración de temáticas diversas e expresión creativa desde o pensamento crítico e a curiosidade.

A través da fotografía como documento e representación artística introducímonos na cultura visual que nos axuda a comunicarnos mais efectivamente, tanto a "ler ", a interpretar as mensaxes trasnferidas polas imaxes como a "escreber" utilizando unha cámara ou fotografías.

O enfoque é feminista polo que se recomenda unha mínima sensibilidade e interés por este tema. Os recursos e materiais utilizados son elaborados a partir desta perspectiva, o que o fai esta formación especial e singular.

O curso consta de 4 sesións de 4 horas que se completarán con prácticas e asesoramento online entre sesións.

Datas: Sábados e Domingo 6, 7, 13 e 14 de Outubro.
Horario: 10:00 a 14:00
Lugar: Libraría Lila Lilith (Rúa Travesa, 7, Compostela).
Custo: 80€ curso completo ou 25€ por sesión independente. (Recoméndase facer o curso completo).
Inscripcións: antes do 26 de Setembro. Formulario: https://goo.gl/forms/PzOnw9Vre0kRHvrE2

Sesión 1 : Ler imaxes - Contexto e a Imaxe-documento. Sábado 6 de Outubro
Paseo fotográfico pola cidade de Compostela a través das imaxes. Que nos din as imaxes das mulleres e dos espazos doutros tempos sobre nós e o noso contexto?
*No caso de chover moito mudaremos esta sesión para outro día á mellor conveniencia das participantes.

Sesión 2 : Escribir imaxes - A cámara e a fotografía. Domingo 7 de Outubro
Que é a fotografía? Que é unha cámara? Mulleres e fotografía. Como utilizamos a técnica e teoría para convertirnos en fotoeducadoras?

Seisón 3 : O proceso de aprendizaxe. Sábado 13 de Outubro
Deseño e construcción de procesos de aprendizaxes adaptados á necesidades do grupo. Estructura dun ffotoeduca. O proceso creativo.

Sesión 4 : Proxectos prácticas. Domingo 14 de Outubro
Ideación, elaboración e presentación de propostas ffotoeducativas para ser aplicadas polas participantes nos seus contextos de traballo formal ou informal.

Vemonos ;)

sábado, 23 de junho de 2018

Alunas do Ffotocreativa 2018, na Escola de Empoderamento Feminista da Coruña

Antes de comezar o verán é bó fechar o ano académico cunha mostra do traballo feito polas fantásticas alunas do Ffotocreativa, educación feminista a través da fotografía que se realizou na Escola de Empoderamento Feminista do Concello da Coruña.

Unhas cracks. Non teño palabras. Só disfruten.

Fotos de Berta, Carmen, Dimka, Ivanna, Lucía, María F, Mariam, Pamela e Vane.