Quinto e último obradoiro de Fotografia para Mulheres no Mentireiro da Crunha
No
mês de junho, o sábado 15, de 11h a 14h teremos a última sessom do
curso "O que pode fazer uma mulher com uma câmara" no Mentireiro da
Corunha!!
Para celebrar o fim de curso, convidamos-vos a uma sessom especial na que veremos uma mostra do trabalho feito nos diferentes obradoiros, compartiremos o aprendido e teremos a oportunidade de explorar um bocadinho mais alguns dos aspectos que tratamos.
Tamém teremos uma parte em que falaremos sobre os diferentes caminhos polos que nos pode levar a fotografia, com apenas abrir os olhos, as mentes e os corações.
O obradoiro constará das seguintes partes:
"Café da manhã: Novas fotógrafas feministas na Corunha". Comezaremos cun café ben quentiño onde recordaremos de xeito descontraído os diferentes obradoiros. Veremos unha mostra do traballo feito e comentaremos sobre as nosas imaxes e as posibilidades de continuar o proceso de aprendizaxe colectivo e individual.
"Mulleres e cámaras". Faremos unha pequena viaxe á historia da fotografia a través do traballo de mulleres que encontraron nas cámaras fotográficas unha porta de comunicación cosigo mesmas e co resto do mundo.
"A fotografia como ferramenta de transformación social". Daremos unha ollada a diferentes iniciativas que utilizan as cámaras como medio de transformación da sociedade. Desde proxectos internacionais como "Kids with Cameras" a colectivos locais como "Mulheres e fotografia" da Coruña.
Se estás interessada em participar envia email a fotoeducagaliza@gmail.com ou chama ao 678 381 459
Comentários
Enviar um comentário